Maktablarga jihozlar tarqatildi

Maktablarda yangi o‘quv yili oldidan katta tayyorgarlik ishlari ketmoqda. Binolar ta’mirlangan, barcha shart-sharoitlar ko‘rilib, ustoz va murabbiylar ham yangi o‘quv yili uchun o‘z ustilarida ishlashmoqda.
Gap moddiy-texnik baza haqida ketganda, albatta, o‘quvchi qaysi fanda ishtirok etmasin, zaruriy ashyo yoki jihoz bo‘lmasa, beriladigan saboqlar to‘la va to‘kis bo‘lmasligi aniq. Yangi o‘quv yilida esa bunday xatoga yo‘l qo‘yib bo‘lmaydi. Sariosiyo tumani Maktabgacha va maktab ta’limi boʻlimi tasarrufidagi umumta’lim maktablariga yangi oʻquv yili oldidan sinf jihozlari hamda oʻquvchi qizlarni kasbiy mahoratini rivojlantirish uchun tikuv mashinalari berildi.