Musobaqalarga start berildi

Sport sohasida yuqori natijalarni qayd etish, yoshlarning jismoniy imkoniyati va iqtidorlaridan foydalanish uchun ularga munosib shart-sharoit yaratib berish lozim. Ayni maqsadda Surxondaryo viloyati hokimi Ulug‘bek Qosimov boshchiligida sektor rahbarlari, soha mutasaddilari hamda sport federatsiyalari rahbarlari ishtirokida vohamizda sport turlarini rivojlantirish borasida oldinda turgan muhim vazifalar muhokama qilindi.
Soha mutasaddilarining taklif va tavsiyalari tinglanib, mas’ullarga sport turlari, jumladan, ommaviy sportni rivojlantirish, aholi o‘rtasida sog‘lom turmush tarzini targ‘ib qilish, yosh iqtidorlarni aniqlab, ularning shug‘ullanishi uchun zarur sharoitlar yaratish bo‘yicha chora-tadbirlar belgilandi.
Shundan so‘ng, “Alpomish” sport arenasida sport turlari, xususan, parasport turlari bo‘yicha “Surxondaryo viloyati hokimi kubogi” musobaqalariga start berildi. Tadbirda viloyat rahbari ishtirok etib, sportchilarga omadlar tiladi.