Muvaffaqiyatga erishgan vatandoshlarimiz bilan suhbatda bo‘lsak, ularning hayotiy tajriba va yutuqlaridan ruhlanishimiz, munosib motivatsiya olishimiz kerak. Ular bizga eng yaxshi ibrat namunasi bo‘la oladi. vatandoshimiz Akmal Sohibov ham ana shunday zamonamiz qahramonlaridan. U xalqaro THE reytingida 601-oʻrinda turuvchi Germaniyaning Magdeburg universiteti professoridir. Bu, albatta, o‘z-o‘zidan bo‘lmaydi.
Professorning Termiz davlat universiteti talabalariga mahorat darsi o‘tishi esa eng yaxshi tashabbus bo‘ldi. “Anerkennung uzbekischer Hochschulabschlüsse in Deutschland” mavzusidagi noanʼanaviy tarzda oʻtilgan dars mashgʻulotini talabalar katta qiziqish bilan tingladi. Savol-javobga boy boʻlgan dars yakunida talabalarga mavzu yuzasidan qoʻshimcha adabiyotlar, internet nashrlari tavsiya etildi.
