Tashrif doirasida…

Surxondaryo viloyati hokimi Ulug‘bek Qosimov Boysun tumaniga tashrif buyurganidan xabardormiz. Ushbu tashrif doirasida hokim “Darband-Denov” yo‘nalishidagi avtomobil yo‘li qurilish-ta’mirlash ishlarining borishi va amalga oshirilayotgan ishlar taqdimoti bilan tanishdi. Loyihani amalga oshirayotgan xorijiy kompaniya mutaxassislari bilan suhbatlashdi.
Ayni paytda “Darband-Denov” yo‘nalishidagi 4R-105 hamda 4R-100 avtomobil yo‘llarining Boysun tumanidan o‘tuvchi 76 kilometr qismida ishlar davom ettirilayotir. Yo‘l voha iqlimiga mos holda 4 tasmali qilinib, sementobeton qoplama yotqizilgan holda rekonstruktsiya qilinmoqda.
Viloyat rahbari mas’ullarga qurilish jarayoni bilan bog‘liq ayrim muammolarni hal qilish, vohaning ijtimoiy-iqtisodiy rivojlanishi va turizm salohiyatini oshirishda muhim hisoblangan yo‘l qurilishini sifatli olib borish bo‘yicha vazifalar belgilab berdi.