Qurbon hayiti kunlarida fuqarolar xavfsizligini ta’minlash va jamoat tartibini mustahkamlash maqsadida Angor tumanidagi masjidlardan birida o‘quv-amaliy mashg‘ulot o‘tkazildi.
Tadbir davomida masjidga tashrif buyuruvchilar xavfsizligini ta’minlash, yong‘in xavfsizligi qoidalariga rioya qilish, favqulodda vaziyatlarda evakuatsiyani to‘g‘ri tashkil etish hamda tezkor tibbiy yordam ko‘rsatish bo‘yicha amaliy ko‘nikmalar mustahkamlandi.
Shuningdek, mutaxassislar tomonidan imom-xatiblar, masjid xodimlari va fuqarolarga tushuntirish ishlari olib borilib, zarur tavsiyalar berildi.
Mazkur mashg‘ulotlar bayram kunlarida masjidlarda osoyishtalikni saqlash, favqulodda holatlarning oldini olish va aholi xavfsizligini yanada kuchaytirishga xizmat qiladi.
