“Yoshlar uchun ming kitob” loyihasi doirasidagi navbatdagi “Kitob karvoni” Sho‘rchi tumaniga yetib keldi. Tashabbus yoshlar ma’naviyatini yuksaltirish, ularning fikrlash doirasini kengaytirish va intellektual salohiyatini oshirishga xizmat qiladi.
Mazkur karvon orqali 140 dan ortiq mutaxassis tomonidan tanlab tayyorlangan dunyo adabiyotining eng sara asarlari to‘plami Sho‘rchi tumani Axborot-kutubxona markaziga topshirildi. Ushbu nashrlar yoshlarning kitobxonlik madaniyatini rivojlantirish, bilim va tafakkurini chuqurlashtirish, shuningdek ularni ma’rifat sari undashda muhim ahamiyat kasb etadi.
Davlatimiz rahbari tashabbusiga ko‘ra, bu asarlarning elektron nusxalari ham Sho‘rchi Axborot-kutubxona markaziga beg‘araz taqdim etilmoqda, bu esa bilim manbalariga kirishni yanada qulaylashtiradi.
