Termiz tumanida ayollarni iqtisodiy va ijtimoiy hayotga faol jalb etish, ularni zamonaviy kasblarga o‘qitish va tadbirkorlikka yo‘naltirish bo‘yicha tizimli ishlar amalga oshirilmoqda.
Shu maqsadda, tuman Oila va xotin-qizlar bo‘limi hamda Xotin-qizlar tadbirkorligi markazi hamkorligida “Ayollar daftari”ning 1- va 2-toifa ro‘yxatiga kiritilgan hamda ishsiz xotin-qizlar uchun tikuvchilik yo‘nalishida kasb-hunarga o‘qitish kurslari tashkil etilgan.
Navbatdagi bosqichda “Do‘stlik” va “Istiqlol” mahallalaridan bo‘lgan 26 nafar xotin-qiz kursni muvaffaqiyatli tamomlab, sertifikatlarga ega bo‘lishdi.
Bu kabi tashabbuslarning asosiy maqsadi — xotin-qizlarni doimiy daromad manbaiga ega bo‘lishiga ko‘maklashish, ularga mustaqil faoliyat yuritish imkoniyatlarini yaratish va jamiyatdagi faolligini oshirishdan iborat.
