Malayziyada Para Taekwondo boʻyicha Osiyo chempionati musobaqasida boʻlib oʻtdi. Mahoratli sportchilar jam boʻlgan musobaqada kurash ham qizgʻin kechdi.
Quvonarlisi, bellashuvda Sariosiyo tumani sport maktabi Para Taekwondo treneri Malika Axmatova qoʻl ostida shugʻullanib kelayotgan Qizlarxon Isomiddinova ham munosib ishtirok etdi.
U nepallik raqibasini 2:0, eronlik raqibasini esa 2:0 hisobida yengib, finalda Para Olimpiya oʻyinlari sovrindori tailandlik raqibasiga kichik hisobda imkoniyatni boy berib, kumush medalga ega chiqdi va Osiyo chempionati sovrindori boʻldi.
