Ko‘prik qurish savob

Boysun tumanida yangidan ko‘prik qurilib, foydalanishga topshirildi. Endilikda tumandagi Sho‘rsoy va undan keyingi Mustaqillik mahallasi aholisi bahorning seryog‘in, qishning izg‘irinli kunlarida ham hech ikkilanmay qo‘shni mahallalarga qatnay oladi.
Ikki mahallani bog‘lovchi, uzunligi 22 metr, eni 4 metr, balandligi 11 metrni tashkil etuvchi ushbu ko‘pik qurilish ishlari uchun tuman hokimligi tomonidan ustki temir platforma hamda temir tayanch ustunlari yetkazilib, aholi tomonidan hashar yo‘li orqali qurib bitkazildi.
Bordi-yu, Sho‘rsoy mahallasidan ushbu massivga kelmoqchi bo‘lsangiz, 3 kilometr masofa yo‘l bosib o‘tish talab etilardi. Endilikda yangi ko‘prik 500 metr masofani tashkil etadi.