Termiz shahrida “Payshanba — yoshlar kuni” doirasida yoshlarning bo‘sh vaqtini mazmunli tashkil etish hamda ularni vatanparvarlik ruhida tarbiyalash maqsadida 11506-harbiy qismga sayohat uyushtirildi.
Sayohat davomida yoshlar harbiy qism faoliyati, askarlar uchun yaratilgan sharoitlar hamda zamonaviy harbiy texnika va qurol-aslahalar bilan yaqindan tanishdilar. Harbiy xizmatchilar tomonidan askarlarning kundalik hayoti, xizmat tartibi va intizom haqida qiziqarli ma’lumotlar berildi.
Mazkur tadbir yoshlarda harbiy xizmatga hurmatni oshirish, Vatanga sadoqat tuyg‘usini mustahkamlash hamda ularni jasorat va fidoyilik ruhida tarbiyalashda muhim ahamiyat kasb etadi.
