“Yashil makon” loyihasi amalda

Yurtimiz bo‘ylab keng ko‘lamda o‘tkazilayotgan “Yashil makon” umummilliy loyihasi doirasida Bandixon tumanida ham tuman hokimi Abdumalik Allamuradov boshchiligida keng ko‘lamli ishlar olib borilmoqda. Ushbu jarayonda tuman hududidan o‘tuvchi davlat ahamiyatidagi 4R-100 avtomobil yo‘li atrofiga yashil belbog‘ yaratish ishlarida keng jamaotchilik faollik ko‘rsatib, iqlimimizga mos manzarali daraxt ko‘chatlari ekildi.
“Yashil makon” loyihasiga hissa qo‘shish vatanparvarlik, elparvarlik va donishmandlik namunasidir. Unda faol ishtirok etish o‘zini oqil va fozil hisoblagan har bir insonning dolzarb vazifasi hisoblanadi. Shu ma’noda, ushbu umummilliy harakatga yosh-u keksa tomoshabin emas, balki ishtirokchi bo‘lib qatnashmoqda. Ezgu niyat ila yerga nihol qadab suv qo‘yib, uning gurkirab o‘sishi uchun ilk harakatlarni amalga oshirishmoqda.