Munosib kutib olindi

Toshkent shahrida sportning Taekvondo ITF sport turi bo‘yicha jahon chempionati va jahon kubogi musobaqasi boʻlib oʻtganidan xabaringiz bor. Chempionat qizg‘in va murosasiz janglarga boy o‘tgani tinimsiz ravishda yortib borildi.
Mahoratlar sinalgan janglarda sinovdan o‘tgan sportchilar orasida Sariosiyo tuman sport maktabining “Olmos” klubi sportchilari ham munosib ishtirok etdi. Quvonarlisi, sportchilarimiz 3 ta oltin, 4 ta kumush hamda 5 ta bronza medallarni qo‘lga kiritishdi.
Sportchilar Sariosiyo tumani Sport maktabida munosib kutib olindi. Tashkil etilgan tantanali tadbirda g‘olib va sovrindorlarga esdalik sovg‘alari topshirildi.