O‘zbekiston hududida bo‘ri o‘rgimchaklar oilasiga mansub yangi tur aniqlandi. Rossiyalik olimlar bilan hamkorlikda olib borilgan tadqiqotlar natijasida ushbu tur Qoraqalpog‘istondagi Ustyurt platosi, Borsa-Kelmas botig‘i hududidan topildi.
Yangi turga “Karakumosa ustyurtisa” deb nom berildi. Mazkur kashfiyotdan so‘ng ushbu jinsga mansub turlar soni 19 taga yetdi.
Bu yangilik O‘zbekiston hududining boy biologik xilma-xilligini yana bir bor tasdiqlaydi hamda mintaqadagi noyob ekotizimlarni o‘rganish va asrash zarurligini ko‘rsatadi.
