2026–2027-o‘quv yilidan boshlab O‘zbekistonning tibbiyot va farmatsevtika ta’limi tizimida oshirilgan to‘lov-kontrakt shakli bekor qilinishi mumkin. Bu o‘zgarish bakalavriat bosqichi uchun mo‘ljallangan bo‘lib, talabalar faqat shaffoflik va sifat mezonlari asosida qabul qilinadi.
Yangi tartibga ko‘ra:
Bakalavriat, magistratura va rezidenturada minimal o‘tish ballari shifokorlar uchun 70%, o‘rta tibbiyot xodimlari uchun 60% belgilanadi.
Tor soha mutaxassislarini faqat magistratura va rezidentura orqali tayyorlash, qisqa muddatli qayta tayyorlash kurslari bekor qilinadi.
Internatura (birlamchi maqsadli ixtisoslash)ga qabul tugatiladi. Mazkur islohotlar ta’lim sifatini xalqaro standartlar darajasiga ko‘tarish, klinik amaliyotni kuchaytirish va raqobatbardosh, yuqori malakali tibbiyot kadrlarini tayyorlashga qaratilgan. Natijada, hamma ham shifokor bo‘la olmaydi, faqat eng tayyor va malakali talabalar kasbga qabul qilinadi.
