Har bir fandan o‘zlashtirilgan bilimlar tanlov-u fan olimpiadasida sinovdan o‘tadi, munosib baholanadi. Shu ma’noda bugundan respublikamizdagi barcha umumta’lim maktablarining 9-11-sinf o‘quvchilari o‘rtasida asosiy fan olimpiadasining II bosqichiga start berilgani esa g‘alvir suvdan ko‘tarilgandek gap. Surxondaryo viloyatidagi shahar va tumanlarda ham olimpiadalar yuqori saviyada tashkil etilmoqda.
Olimpiada jarayonlari barcha hududlarda bir vaqtning o‘zida (soat 11:00 da) boshlandi. 17-21-oktyabr kunlari o‘tkaziladigan ushbu fan olimpiadasida o‘quvchi-yoshlar 13 ta umumta’lim fanlari bo‘yicha bellashadi. Olimpiadaning tuman, shahar bosqichida Surxondaryo viloyati Maktabgacha va maktab ta’limi boshqarmasi tasarrufidagi maktablardan jami 18 ming nafarga yaqin o‘quvchilar qatnashishi kutilmoqda.
