Davlatning iqtisodiy o‘sishi, ishbilarmonlik muhitini yaratilishida nafaqat mahalliy, balki xorijiy investorlarning ham hissasi katta. Xalqaro to‘g‘ridan-to‘g‘ri investitsiyalar, ishonchli investorlar va hamkorlik mamlakat barqaror rivojlanishi va korporativ o‘sishining o‘zaro bog‘liq maqsadlarini amalga oshirishda juda muhim. Mazkur omillar nafaqat kapital va daromad, shu bilan birga, ish o‘rni ko‘payishini, intellektual bilim, texnologiya, innovatsiya, modernizatsiya, diversifikatsiya, ayniqsa, inklyuziv barqaror o‘sishni ta’minlaydi.
Sariosiyo tumani adliya bo‘limi davlat xizmatlari markazi tomonidan ustav jamg‘armasi 10 milliard so‘mni tashkil etgan “REGAR-INVEST” qo‘shma (xorijiy) korxonasi davlat ro‘yxatidan o‘tkazildi. Ushbu korxonaning ish boshlashi hududda tadbirkorlikni yanada rivojlantirishga, ishlab chiqarish hajmini oshirib, yangi ish o‘rinlarini yaratilishiga xizmat qiladi.
