Termiz davlat universitetining xalqaro hamkorlik aloqalari izchil kengayib, talabalar uchun xorijiy oliy ta’lim muassasalarida bilim olish imkoniyatlari yaratilmoqda.
Ayni kunlarda universitet magistratura bosqichining 13 nafar iqtidorli talabalari Xitoy Xalq Respublikasining nufuzli oliy ta’lim muassasalaridan biri — Jiangsu universitetida qo‘shma ta’lim dasturi doirasida tahsil olmoqda. Ular xalqaro ta’lim muhitida bilim va tajribalarini boyitib, zamonaviy akademik jarayonlarda faol ishtirok etmoqda.
Mazkur hamkorlik Termiz davlat universitetining xalqaro maydondagi nufuzini oshirish, ta’lim sifatini yangi bosqichga ko‘tarish hamda ikki oliy ta’lim muassasasi o‘rtasidagi akademik aloqalarni yanada mustahkamlashga xizmat qilmoqda.
