Bugungi yoshlarimiz nafaqat ilmda, balki innovatsion g‘oyalarini amaliyotga tatbiq etishda ham izlanishdan to‘xtashayotgani yo‘q. Ana shunday g‘oyalarni keng jamoatchilikka ma’lum qilish maqsadida Termiz davlat universitetida “Kreativ ta’lim va innovatsiyalar – Yangi O‘zbekiston taraqqiyotining asosi” shiori ostidagi “InnoWeek.uz-2023” xalqaro innovatsion g‘oyalar haftaligi doirasida “Universitetda “Ideaton – Uzbekistan 2030” tanlovi o‘tkazish tartibi qanday bo‘ladi: talabalar uchun tanlovga oid ma’lumotlar taqdimoti” o‘tkazildi.
Ilmiy-innovatsion g‘oyalar, loyihalarni saralab olish, loyihalarni qo‘llab-quvvatlash maqsadida o‘tkazilishi belgilangan tanlovda qatnashchilar o‘rtasida keyingi o‘n yillikdagi muammolar va istiqbolli yo‘nalishlardagi innovatsion g‘oyalarni, ilmiy va innovatsion loyiha yo‘nalishlarida ilmiy-texnik ijodkorlik va ixtirochilikni rag‘batlantirish, innovatsion faollikni oshirish hamda yangi texnika, texnologiya va raqobatbardosh mahsulotlar yaratishni qo‘llab-quvvatlash maqsad qilingan. Loyihalar 30-oktyabrga qadar qabul qilinib, bir oy davomida tanlov komissiyasi tomonidan o‘rganib chiqiladi va baholanadi.
