Oltinsoy tumani, “Bo‘ston” mahallasida joylashgan 1-son texnikum hududida zamonaviy avtodrom qurilishi davom etmoqda. Mazkur loyiha o‘quvchi-yoshlarning haydovchilik bo‘yicha amaliy ko‘nikmalarini oshirishga xizmat qiladi.
Tuman hokimi Otabek Mavlyanov hamda tuman prokurori Ravshan Turdiyev qurilish maydoniga tashrif buyurib, olib borilayotgan ishlar jarayoni bilan tanishdilar. Tashrif davomida qurilish sifati, ishlarning borishi hamda obyektni belgilangan muddatlarda foydalanishga topshirish masalalari muhokama qilindi.
Mas’ullarga qurilish ishlarini sifatli va o‘z vaqtida yakunlash bo‘yicha tegishli topshiriqlar berildi. Ushbu avtodrom kelgusida yoshlarning amaliy bilim va ko‘nikmalarini mustahkamlash, yo‘l harakati madaniyatini oshirishda muhim ahamiyat kasb etadi.
