Aytish kerakki, Muzrabot tumanida 6 ta oilaviy poliklinika, 3 ta oilaviy shifokorlik punkti, 1 ta ko‘p tarmoqli markaziy poliklinika va 12 ta mahalla tibbiyot punkti fuqarolarga samarali tibbiy xizmat ko‘rsatib kelayotir. Yetarli shart-sharoit yaratilgani sohaga qaratilgan yuksak e’tiborning namunasi deyish mumkin. Tumaning 1-sektor hududiga qarashli “Xalq yo‘li” mahallasida ham yangi tibbiyot punktining foydalanishga topshirilgani ana shunday ishlarning izchil davomi bo‘ldi.
Ochilishi bilan tibbiy xizmat ko‘rsatishni boshlab yubordi. Tibbiyot punkti ostonasiga tutilgan qizil tasmalar kesilishi bilan ichkariga qadam ranjida qilganlar borki, yaratilgan shart-sharoit va qulayliklardan quvonishdi. Yorug‘ va shinam xonalar kerakli tibbiy jihozlar, uskunalar bilan jihozlangan, sanitariya-gigiyena qoidalari asosida xizmat ko‘rsatayotgan shifokor va hamshiralarning yorug‘ yuz bilan kelganlarni qarshi olib, shirin zabonlik ila kuzatayotir.
5 ta yangi ish o‘rinlari yaratilgan ushbu tibbiyot punkti aholi sog‘ligini saqlab, ularga tez va sifatli tibbiy yordam ko‘rsatishga xizmat qiladi.
S.Davlatova
