27 juftlik oila qurishga tayyor…

Date:

Qaysidir tashkilot yoki idorada yoinki sohada ishlash uchun maxsus bilim va ko‘nikma talab etiladi. Aks holda faoliyat yuritishni hatto xayolimizga ham keltira olmaymiz. Xuddi shunday katta hayot ostonasida turgan yigit-qizlar nega endi oila atalmish qo‘rg‘onni zarur tajriba va bilimlarsiz qurishyapti? Axir, oila qandaydir tashkilot yoki idora emaski, ishdan bo‘shab, boshqa biriga kirish imkoni bo‘lsa…

Sharqona mentalitet tusini olgan qarashlarimiz, zamona talabi ham shu — oila qurish ostonasida turgan yoshlar, albatta, turmush qurishdan avval hayot maktabining saboqlarini olishi zarur. Ana shundagina er-xotinning, qayinona-kelinning o‘zaro kelishmovchiliklari sabab, oilalar darz ketmaydi. Ayni shu maqsadni o‘zlariga shior etgan Sherobod tumani yoshlarni hayotga tayyorlash maktabida tuman FHDYO bo‘limi yo‘llanmasiga asosan 27 juftlikka dars o‘tildi.

Yoshlar tumandagi tajribali psixolog N.Voxobova hamda markaz boshlig‘i T.Choriyevalar tomonidan “Repuroduktiv salomatlik asoslari”, “Oilada er-xotin, qayinona-kelin munosabatlari”, “Iqtisod va oila byudjeti”, “Oila psixologiyasi” mavzularida seminar-treninglar o‘tkazildi. Oilaviy huquqiy munosabatlar tushuntirildi.
Mutaxassislar tinglovchilarga ma’naviy-axloqiy qadriyatlar haqida, baxtli bo‘lish sirlari, oila muqaddas dargoh ekanini tushuntirib, bir so‘z bilan aytganda, katta hayotga ilk muhim odimni tashlashlarida yoshlarga kuch va motivatsiya berdilar. Mana shunday maxsus darslarning o‘tilishi oilaviy hayotga tayyorlanishda, yoshlarning to‘g‘ri yo‘l va qarorni qabul qilishlarida eng yaxshi tajriba maktabi bo‘ladi.
Yakunda tinglovchilarga tuman oila va xotin-qizlar bo‘limi tomonidan sertifikatlar topshirildi.

S.Murodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Har mahalladan 2 nafar dasturchi…

Dunyoda IT sohasi shu darajada rivojlanib ketyaptiki, biror tashkilotga...

Uzilish bartaraf etildi

Bir necha kunki, Surxondaryo viloyatida qor yog‘ib, havo harorati...

Yosh matematiklar aniqlanmoqda

Maktab ta’limi davomida o‘qilgan bilimlar tanlovlar, tadbirlar, fan olimpiadalarida...

166 TA QONUNBUZILISH HOLATLARI ANIQLANDI

Kadastr agentligi Surxondaryo viloyati boshqarmasi, tuman, shahar bo‘limlari tomonidan...
KunTun
KunTun