Tabiat – ijodkorning eng katta ilhomi. Musaffo havo, quyosh nuri va atrofdagi go‘zal manzaralar bolalarga yaratishda yordam beradi, ularni kuzatish va tasvirlash orqali ijodiy qobiliyatini oshiradi.
Termiz shahar 1-son Bolalar musiqa va san’at maktabi tasviriy san’at sinfi o‘quvchilari o‘qituvchilari Sh. Ismoilov va K. Cherkazovlar rahbarligida ochiq havoda plener mashg‘ulotini tashkil etdi.
O‘quvchilar tabiat manzaralarini sinchkovlik bilan kuzatib, ularni ranglar orqali qog‘ozga muhrladi. Har bir rasm bolalarning beg‘ubor tasavvuri, sof tuyg‘ulari va ijodga bo‘lgan qiziqishini namoyon etdi.
