Prezident tashrifi chog‘ida belgilangan vazifalar ijrosini ta’minlash maqsadida Surxondaryo viloyati hokimi Ulug‘bek Qosimov Sherobod tumanida bo‘lib, tuman markaziga olib boruvchi 0–6-kilometr avtomobil yo‘lini rekonstruksiya qilish hamda yangi ko‘prik qurilishi jarayonlari bilan tanishdi.
Mutasaddilar yo‘lsozlik loyihalari yuzasidan ma’lumot berdi. Hokim qurilish ishlarini sifatli va belgilangan muddatlarda yakunlash, texnik hamda moliyaviy nazoratni kuchaytirish bo‘yicha aniq topshiriqlar berdi.
Shuningdek, tumandagi bo‘sh binolardan samarali foydalanish va yangi ish o‘rinlari yaratish masalalari muhokama qilinib, mas’ullarga tegishli vazifalar yuklatildi.
