Atrof-muhitga, tiriklikka munosabatimiz ekologik madaniyatimiz qay darajada ekanini ko‘rsatib beradi. Muhimi atrofga e’tiborli va jonkuyar bo‘lsak, ona tabiatni asrash yo‘lida o‘zimizning muhim hissamizni qo‘shgan bo‘lardik. Ana shunday jonkuyar fuqaro Surxondaryo viloyati Ekologiya va atrof-muhitni muhofaza qilish boshqarmasining “Ishonch telefon”iga sim qoqdi va Boysun tumanidagi “Avlod” mahallasi hududida joylashgan “Yakarcha” qabristonidan kovrak o‘simligi shirasi olib ketilayotgani haqida xabar berdi.
Viloyati Ekologiya va atrof-muhitni muhofaza qilish boshqarmasi hamda Milliy gvardiyaning viloyat bo‘yicha boshqarmasi xodimlari hamkorligida tuzilgan tezkor ishchi guruh shu zahoti voqea joyiga yo‘l oldi. Haqiqatan ham qabristondagi noyob o‘simlikka ruxsatnomasiz zarar yetkazilayotgan ekan. 405 dona kovrak ildizini 3-4 marta kesib, shirasini olgan huquqbuzarga nisbatan ma’muriy ish qo‘zg‘atildi.
S.Murodova
