Termiz shahridagi “Imom Аt-Termiziy” ilmiy tadqiqot markazining majlislar zalida viloyat hokimi Toʼra Bobolovning navbatdagi “Tadbirkorlar qabuli” boʼlib oʼtdi.
Unda viloyat hokimining oʼrinbosarlari, kotibiyat mudirlari, viloyat prokurori oʼrinbosari, Termiz shahar va Termiz tumani hokimlari, shahar va barcha tumanlar birinchi oʼrinbosarlari, iqtisodiy korxonalar va aloqador tashkilot rahbarlari ishtirok etdi.
Qabulda shahar va tumanlaridan 35 nafar tadbirkor oʼzini qiynayotgan masalalar boʼyicha viloyat rahbariga murojaat qildi.
Murojaatlarning asosiy qismi tijorat banklaridan kredit olish, kommunal sohadagi muammolar va boshqa sohalarga oid masalalar bilan bogʼliq boʼldi.
Qabulda qatnashgan tadbirkorlarning 4 nafarining murojaati joyida hal etilgan boʼlsa, yechimi maʼlum vaqt talab etiladigan 31 ta masala boʼyicha aloqador tashkilotlarga topshiriqlar berildi.
