Innovatsion loyihalar va ilg‘or muhandislik maktablarini rivojlantirish bugungi davr talabidir. Shu talabdan kelib chiqib, xalqaro standartlarga moslashish, talabga javob bera olish maqsadida xalqaro hamkorlik, tajriba almashish masalalariga katta e’tibor qaratilayotir. Ayni shu maqsadda Toshkent davlat iqtisodiyot universitetida Oʻzbekiston-Koreya oliy taʼlim muassasalari rektorlari forumi bo‘lib o‘tdi.
Unda universitetlarning iqtisodiy oʻsishga qaratilgan innovatsiyalar va texnologiya sohalaridagi tashabbuslar, shuningdek, ilgʻor muhandislik maktablarini rivojlantirish, ishlab chiqarish va taʼlim hamkorligi masalalari muhokama qilindi.
Muhokamalarda Termiz davlat universiteti rektori, professor A.Maraximov moderator sifati ishtirok etdi. Shuningdek, ilm-fan, taʼlim va innovatsiya sohalarida istiqbolli hamkorlik doirasida talabalar va professor-oʻqituvchilar almashinuv dasturlarini jadallashtirish boʻyicha kelishuv masalalari ham muhokama qilindi.
Umid qilamizki, ushbu xalqaro hamkorlik sohada ko‘zlangan maqsadga erishishga xizmat qiladi. Innovatsion loyihalar amaliyotga tatbiq etilib, yoshlarimiz o‘z bilim va tajribasi, loyihalari orqali muvaffaqiyatga erishadi.
S.Davlatova
