Termiz davlat muhandislik va agrotexnologiyalar universitetida talabalar o‘rtasida “Biz giyohvandlikka qarshimiz!” mavzusida rasmlar tanlovi tashkil etildi.
Tanlovda universitetga tashrif buyurgan Ta’lim va ilm-fan vazirligining bosh mutaxassisi, Administratsiya ishchi guruhi a’zosi Ahmadxon Mahmudov ham ishtirok etib, talabalarning ijodiy ishlari bilan tanishdi.
Tanlov orqali yoshlar giyohvandlikning ayanchli oqibatlarini san’at vositasida ifodalash, tengdoshlarini zararli odatlardan ogoh etish va sog‘lom turmush tarzini targ‘ib qilish imkoniga ega bo‘ldi.
