Yoshlarning intellektual salohiyatini yuksaltirish, mantiqiy fikrlashini rivojlantirish va bilimga bo‘lgan qiziqishini rag‘batlantirishda “Zakovat” intellektual o‘yinlari muhim o‘rin tutmoqda. “Besh tashabbus” olimpiadasi doirasida o‘tkazilgan Surxondaryo viloyat bosqichida viloyatning 15 ta tuman va shahridan kelgan jamoalar o‘zaro bilim va tafakkurda bellashdi.Yakuniy natijalarga ko‘ra:
1-o‘rin — Termiz tumanining “Uchqizil” mahallasi jamoasi;
2-o‘rin — Termiz shahrining “Mehrobod” mahallasi jamoasi;
3-o‘rin — Bandixon tumanining “Navro‘z” mahallasi jamoasi.
G‘olib jamoa endilikda “Besh tashabbus” olimpiadasi doirasidagi “Zakovat” intellektual musobaqasining respublika bosqichida Surxondaryo viloyati sharafini himoya qiladi. Musobaqa yoshlarning bilim, tafakkur va jamoaviy hamkorlik ko‘nikmalarini rivojlantirishga xizmat qiluvchi muhim maydon bo‘lib xizmat qilmoqda.
