Xalqaro ekspertlar Termizda

Pearson BTEC xalqaro ta’lim dasturi bo‘yicha tashqi tekshiruvchi Michael Coleman Termizga tashrifi davomida shaharning boy tarixiy-madaniy merosi va ta’lim sohasidagi yutuqlariga yuqori baho berdi.
Hakim at-Termiziy majmuasi bilan tanishgan xalqaro ekspert maskanning ma’naviy qadriyati, noyob me’morchiligi hamda Surxondaryo aholisining mehmondo‘stligidan chuqur taassurot olganini ta’kidladi.
Shuningdek, Termiz shahar 2-son texnikumida yaratilgan ta’lim muhiti, pedagoglarning fidokorona mehnati va o‘quvchilarning natijalarini e’tirof etib, muassasa jamoasiga minnatdorlik bildirdi.
Bunday xalqaro tashriflar hududning ta’lim salohiyati, tarixiy merosi va turizm imkoniyatlarini keng targ‘ib etishga, xalqaro hamkorlikni yanada mustahkamlashga xizmat qilmoqda.