Surxondaryo viloyatida investitsiyalarni jalb etish va zamonaviy infratuzilmani rivojlantirish bo‘yicha yangi loyihalar amalga oshirilmoqda. Shu maqsadda viloyat hokimi Ulug‘bek Qosimov Xitoyning “Wanlin Group Limited” kompaniyasi rahbari Li Yantao boshchiligidagi delegatsiya bilan uchrashdi.
Muloqot davomida hududda zamonaviy akvapark barpo etish, qishloq xo‘jaligi mahsulotlarini qayta ishlash va eksport salohiyatini oshirish, shuningdek, oqova suvlarni tozalash hamda qayta foydalanish bo‘yicha istiqbolli investitsiya loyihalari muhokama qilindi.
Tomonlar ushbu tashabbuslarni amaliy bosqichga olib chiqish va o‘zaro manfaatli hamkorlikni yanada kengaytirish yuzasidan kelishuvga erishdi. Mazkur loyihalar hududda yangi ish o‘rinlari yaratish, eksport hajmini oshirish va ekologik barqarorlikni ta’minlashda muhim ahamiyat kasb etadi.
