Yozgi ta’tilni mazmunli va maroqli o‘tkazish maqsadida Jarqo‘rg‘on tumanida maktab o‘quvchilari uchun sog‘lomlashtirish oromgohlariga yo‘llanmalar tashkil etilmoqda. O‘quvchilarning kayfiyati chog‘ bo‘lib, ular dam olish va yangi do‘stlar orttirish uchun Xonjiza bolalar sog‘lomlashtirish oromgohiga jo‘nab ketdi.
Jarqo‘rg‘on tuman maktabgacha va maktab ta’limi bo‘limiga qarashli umumiy o‘rta ta’lim maktablarida tahsil olayotgan 25 nafar o‘quvchi Jarqo‘rg‘on ta’lim va fan xodimlari kasaba uyushmasi bo‘linmasi tashabbusi bilan mazkur oromgohga yuborildi.
Tashabbus o‘quvchilarning yozgi ta’til davrini mazmunli tashkil etish, ularning sog‘lom dam olishini ta’minlash hamda bo‘sh vaqtini samarali o‘tkazishiga xizmat qiladi.
