Mutolaa muvaffaqiyatga yetaklaydi

Viloyat bolalar kutubxonasida “Yosh kitobxon” tanlovining respublika bosqichi g‘olibi Fazilat Diyorova bilan ijodiy uchrashuv bo‘lib o‘tdi.
Samimiy muloqot davomida Fazilat Diyorova tanlovga tayyorgarlik jarayoni, kitob mutolaasining inson kamolotidagi o‘rni hamda erishilgan yutuqning ahamiyati haqida so‘z yuritdi. Faol kitobxon yoshlar o‘zlarini qiziqtirgan savollarga javob olib, bilim olish, mutolaa madaniyatini rivojlantirish va yuksak maqsadlar sari intilish borasida fikr almashdilar.
Mazkur uchrashuv yoshlar orasida kitobxonlikni keng targ‘ib etish, mutolaaga qiziqishni oshirish hamda yangi yutuqlarga ilhomlantirishda muhim ahamiyat kasb etdi.