“Bog‘i shamol” faoliyati boshlandi

Oltinsoy tumanidagi 23-sonli umumiy o‘rta ta’lim maktabida “Bog‘i shamol” nomli kunduzgi maktab oldi sog‘lomlashtirish oromgohi o‘z faoliyatini boshladi.
Oromgohning asosiy maqsadi o‘quvchilarning yozgi ta’til davrini mazmunli tashkil etish, ularning sog‘lig‘ini mustahkamlash, bo‘sh vaqtini samarali o‘tkazish hamda ijodiy va intellektual salohiyatini rivojlantirishdan iborat. Shu maqsadda bolalar uchun sport musobaqalari, tanlovlar, ekskursiyalar, ma’naviy-ma’rifiy va madaniy tadbirlar tashkil etiladi.
Mazkur oromgoh yosh avlodning har tomonlama barkamol bo‘lib voyaga yetishi, sog‘lom turmush tarziga bo‘lgan qiziqishini oshirish va yozgi ta’tilni maroqli hamda foydali o‘tkazishida muhim ahamiyat kasb etadi.