Bandixon tumanida tadbirkorlikni qo‘llab-quvvatlash, yangi ishlab chiqarish quvvatlarini yaratish hamda aholi bandligini ta’minlashga qaratilgan loyihalar izchil amalga oshirilmoqda.
Surxondaryo viloyati hokimi Ulug‘bek Qosimov tumanga tashrifi davomida “Bektepa” kichik va yoshlar sanoat zonasida olib borilayotgan infratuzilma ishlari bilan tanishdi. Hududda tadbirkorlar uchun qulay sharoit yaratish maqsadida elektr, yo‘l va kommunikatsiya tarmoqlari bosqichma-bosqich takomillashtirilmoqda.
Shuningdek, “Susambil” mebel ishlab chiqarish korxonasi faoliyati ko‘zdan kechirilib, yangi ish o‘rinlari yaratish va mahalliy ishlab chiqarishni kengaytirish masalalariga alohida e’tibor qaratildi.
Mazkur loyihalar Bandixon tumanining iqtisodiy salohiyatini oshirish, yoshlar bandligini ta’minlash va hududda tadbirkorlik muhitini yanada rivojlantirishda muhim ahamiyat kasb etmoqda.
