AQSHda mamlakat mustaqilligining 250 yilligi munosabati bilan amaldagi prezident Donald Tramp tasviri tushirilgan 250 dollarlik banknota chiqarish g‘oyasi muhokama qilinmoqda.
Agar loyiha amalga oshsa, AQSH tarixida so‘nggi 160 yil ichida ilk bor tirik insonning surati milliy valyutada aks etadi. Biroq amaldagi qonunchilikka ko‘ra, banknotalarda faqat vafot etgan shaxslarning tasviri bo‘lishi mumkin.
Mutaxassislarning ta’kidlashicha, bunday banknotani muomalaga chiqarish uchun qonunchilikka o‘zgartirish kiritish, huquqiy ekspertiza va murakkab texnik jarayonlarni amalga oshirish talab etiladi. Shu bois mazkur tashabbus nafaqat yangi kupyura yaratish, balki AQSHning ko‘p yillik valyuta an’analarini o‘zgartirishi mumkinligi bilan ham ahamiyatlidir.
