Surxondaryo viloyati hokimi Ulug‘bek Qosimov Angor tumanida amalga oshirilayotgan “Yashil makon” umummilliy loyihasi hamda infratuzilma va turizm yo‘nalishidagi bunyodkorlik ishlari bilan tanishdi.
Tumanda “yashil belbog‘” barpo etish maqsadida daraxt ko‘chatlari ekish ishlari davom ettirilmoqda. Shuningdek, “Bahor” mahallasida amalga oshirilgan va istiqbolda rejalashtirilgan loyihalar taqdimoti ko‘rib chiqildi.
Bundan tashqari, “Turizm sayilgohi 24/7” loyihasi doirasida olib borilayotgan qurilish ishlari holati ham o‘rganildi. Ko‘rib chiqish jarayonida loyiha ijrosini jadallashtirish, ishlarni sifatli va belgilangan muddatlarda yakunlash bo‘yicha mas’ullarga tegishli topshiriqlar berildi.
Mazkur loyihalar hudud ekologiyasini yaxshilash, turizm salohiyatini oshirish hamda aholi uchun zamonaviy va qulay infratuzilma yaratishda muhim ahamiyat kasb etadi.
