Toshkent shahrida o‘tayotgan o‘smir qizlar o‘rtasidagi boks bo‘yicha Osiyo chempionatida jarqo‘rg‘onlik iqtidorli bokschi Karina Ilmuratova yorqin ishtiroki bilan muxlislar e’tiborini qozondi.
70 kilogramm vazn toifasida ringga ko‘tarilgan hamyurtimiz yarim final bahsida qozog‘istonlik raqibiga qarshi yuqori mahorat, tezkor harakat va aniq zarbalar namoyish etdi. Jang davomida ustunlikni qo‘ldan bermagan Karina ishonchli g‘alabaga erishib, Osiyo chempionati finaliga yo‘l oldi.
Bu natija nafaqat yosh sportchining mehnati va irodasi, balki mamlakatimizda ayollar sportiga qaratilayotgan e’tibor samarasi ekanini ko‘rsatmoqda. Endi barcha muxlislar final bahsida ham Karinaning muvaffaqiyatli chiqishini kutmoqda.
