Surxondaryo viloyatida “Yangi O‘zbekiston talabalari olimpiadasi” doirasidagi kompleks sport musobaqalarining stritbol turi bo‘yicha hududiy bosqich bo‘lib o‘tdi. Unda 6 ta oliy ta’lim muassasasi talabalari o‘zaro bellashdi.
Musobaqa yakunlariga ko‘ra, o‘g‘il bolalar jamoalari o‘rtasida Termiz davlat universiteti (TerDU) talabalari 1-o‘rinni qo‘lga kiritdi. Qizlar jamoalari bahsida esa Termiz davlat pedagogika instituti (TerDPI) vakillari g‘olib bo‘ldi.
Mazkur musobaqa yoshlar o‘rtasida sportga qiziqishni oshirish, sog‘lom turmush tarzini targ‘ib qilish hamda oliy ta’lim muassasalari o‘rtasidagi hamkorlikni mustahkamlashga xizmat qilmoqda.
