Termiz tumanining “Kelajak” mahallasida 1 milliard 140 million so‘mlik loyiha asosida qurilgan 90 o‘rinli yangi davlat maktabgacha ta’lim tashkiloti foydalanishga topshirildi. Ochilish marosimida tuman hokimi Shuxrat Qalandarov ishtirok etdi.
Yangi bog‘cha ishga tushirilishi natijasida Kelajak va Yangiyer mahallalaridagi 90 nafar bola maktabgacha ta’lim bilan qamrab olindi hamda 24 ta yangi ish o‘rni yaratildi.
Zamonaviy sharoitlarga ega ushbu muassasa hududda ta’lim sifatini oshirish, bolalarni erta rivojlantirish va ota-onalarga qulaylik yaratishda muhim ahamiyat kasb etmoqda. Natijada tumanda maktabgacha ta’lim qamrovi 90 foizdan oshdi.
