Uzun tumanidagi “Shodlik” istirohat bog‘ida keng ko‘lamli obodonlashtirish va ta’mirlash ishlari amalga oshirilmoqda. Bog‘ning tashqi qismidagi piyodalar yo‘laklari zamonaviy talablarga mos ravishda, aholi uchun qulay va xavfsiz holatda qayta ta’mirlanmoqda. Hududga yangi va zamonaviy o‘rindiqlar o‘rnatilmoqda.
Shuningdek, bog‘ atrofi panjaralari yangilanib, hududning estetik ko‘rinishi va mustahkamligi ta’minlanmoqda. Bunday obodonlashtirish ishlari nafaqat bog‘ qiyofasini o‘zgartirmoqda, balki aholi uchun yanada qulay va xavfsiz muhit yaratishga xizmat qilmoqda.
