Oltinsoy tumani hokimligi tashabbusi bilan aholi o‘rtasida sog‘lom turmush tarzini keng targ‘ib qilish maqsadida “5000 qadam” piyoda yurish aksiyasi tashkil etildi. Tadbirda tuman hokimligi xodimlari, tashkilot va muassasalar vakillari, yoshlar hamda keng jamoatchilik faol ishtirok etdi.
Erta tongda boshlangan piyoda yurish jarayoni ko‘tarinki kayfiyatda, sog‘lom raqobat va birdamlik ruhida o‘tdi. Mazkur tashabbus aholining jismoniy faolligini oshirish, salomatlikni mustahkamlash hamda sog‘lom turmush tarzini kundalik hayotga keng joriy etishga xizmat qiladi.
