Surxondaryo viloyati hokimi Ulug‘bek Qosimov Muzrabot tumanidagi At-Termiziy mahallasida fuqarolar bilan uchrashib, aholi bandligini ta’minlash, daromad manbalarini kengaytirish va kambag‘allikni qisqartirish masalalarini muhokama qildi.
Uchrashuvda fuqarolarning murojaat va takliflari tinglanib, doimiy daromad manbalarini yaratish, aholini tadbirkorlikka jalb etish hamda kasb-hunar o‘rgatish orqali bandligini ta’minlash masalalariga e’tibor qaratildi.
Mas’ul rahbarlarga murojaatlarni joyida o‘rganish, mavjud muammolarni hal etish va fuqarolar daromadini oshirishga qaratilgan aniq chora-tadbirlarni amalga oshirish bo‘yicha topshiriqlar berildi.
