Bozor munosib taklif bo‘ladigan, talab qondiriladigan nuqta. Xaridor arzon va sifatli mahsulot xarid qilishga urinsa, sotuvchi daromad ko‘rishni o‘ylaydi. Bozorda esa qizg‘in oldi-sotdi jarayoni kechadi. Tashkilotchilar esa har ikki tomon uchun munosib shart-sharoit yaratishga urinadi.
Shu maqsadda Qumqo‘rg‘on tumanidagi Markaziy dehqon oziq-ovqat bozori hududida savdo jarayonlarini yanada tartibli tashkil etish, aholiga qulay shart-sharoitlar yaratish hamda xaridorlar va tadbirkorlar uchun xavfsiz muhitni ta’minlash maqsadida hududni obodonlashtirish va tartibga keltirish ishlari izchil davom ettirilmoqda.
Mazkur ishlar doirasida savdo rastalarini joylashtirish tartibga solinib, piyodalar harakati uchun qulay yo‘laklar shakllantirilmoqda, sanitariya-gigiyena holatini yaxshilashga qaratilgan zarur chora-tadbirlar amalga oshirilmoqda.
