Termiz davlat universitetida hindistonlik professor ishtirokida ilmiy seminar-trening tashkil etildi. Tadbir davomida nufuzli xalqaro ilmiy jurnallarda (Web of Science, Scopus) maqola chop etish, xalqaro grantlar (DAAD, IsDB, Erasmus, UNDP va boshqalar)da ishtirok etish hamda universitetlarni QS va ARWU kabi Top-1000 xalqaro reytinglarga olib kirish uchun zarur bo‘lgan ustuvor vazifalar muhokama qilindi.
Shuningdek, seminar doirasida ilmiy karyerani strategik rivojlantirish, akademik nufuzni oshirish, xalqaro hamkorlikni kuchaytirish, innovatsiyalarni rivojlantirish va barqarorlikni ta’minlash masalalariga alohida e’tibor qaratildi.
Seminar-treningda ishtirok etgan professor-o‘qituvchilar, doktorantlar va magistrantlar o‘zlarini qiziqtirgan savollarga batafsil javoblar olib, amaliy va foydali bilimlarga ega bo‘ldilar.
