Hukumat qarori bilan O‘zbekistonda bayramlarning g‘oyaviy-ma’naviy mazmunini kuchaytirish konsepsiyasi tasdiqlandi. Unga ko‘ra, umumxalq bayramlari uchun o‘ziga xos musiqiy taronalar, bezaklar va atributlar yaratiladi.
Shuningdek, har bir bayramning tarixiy shakllanishi va jamiyatdagi ahamiyatini yorituvchi qo‘llanmalar tayyorlanadi. Bayramlar doirasida iqtidorli yoshlarni qo‘llab-quvvatlashga qaratilgan tadbirlar o‘tkaziladi.
Bundan tashqari, “O‘zbekiston bayramlari” kitobi va boshqa ommabop adabiyotlar chop etilishi rejalashtirilgan.
