O‘zbekiston Respublikasi Prezidentining 2025-yil 6-dekabrdagi PF-242-sonli Farmoniga asosan avf etilib, jazodan ozod etilgan shaxs bilan Bandixon tuman hokimligida uchrashuv tashkil etildi. Unda tuman IIB boshlig‘i podpolkovnik J. To‘rayev hamda tuman hokimining birinchi o‘rinbosari D. Musurmonov ishtirok etdi.
Uchrashuv davomida Obod yurt mahallasida istiqomat qiluvchi fuqaro A.S.ning jamiyatga moslashuvi, foydali mehnat bilan shug‘ullanishi, sog‘lom turmush tarzini yo‘lga qo‘yishi hamda ijtimoiy hayotda munosib o‘rin egallashi masalalari muhokama qilindi. Shu bilan birga, mas’ul tashkilotlar xodimlariga afv etilgan shaxsni qo‘llab-quvvatlash, bandligini ta’minlash va ijtimoiy moslashuviga ko‘maklashish bo‘yicha aniq ko‘rsatma va topshiriqlar berildi.
