Endigina maktabni tamomlab, katta hayot ostonasiga qadam tashlayotgan, qaysi kasbning etagidan tutsam, ertangi kunim nurafshon bo‘ladi, deya ming bir hadik orasida turgan yoshlarning ertangi taqdiri bilan qiziqadigan, ularning ham jamiyatda el koriga yaraydigan inson bo‘lishini doimo o‘ylab yashaydigan viloyatimiz hokimi To‘ra Bobolov doimo yoshlarning masalayu muammolariga, takliflariga quloq tutib kelayotgani barchamizga ayon.
Navbatdagi hokim va bittiruvchi yoshlar uchrashuvi qumqo‘rg‘onlik yoshlarning diliga ravshanlik olib kirgan holda, o‘ziga bo‘lgan ishonchni olib kirgan bo‘lsa ajab emas.
Zoom platformasi orqali tashkil etilgan mazkur uchrashuv samimiy ruhda tashkil etildi. Uhrashuv davomida qumqo‘rg‘onlik yoshlar o‘zlarining qiziqtirgan savollari va takliflarini voha rahbariga dadil-dadil ayta oldilar.
Quvonarlisi, har bir taklif va murojaatni jon qulog‘i bilan tinglagan voha rahbari yoshlarga katta umid va rag‘bat bergan holda ularning kelgusi o‘qishi, faoliyati barcha toifadagi rahbarlarning oldida turgan birlamchi masala ekanligi, yoshlar har qachon qo‘llab-quvvatlanishini alohida ta’kidladi.
E’zoza Elmurodova
