Yurtimizda Mustaqilligimizning 34 yillik bayrami keng nishonlanmoqda. Ushbu qutlug‘ sana munosabati bilan Sherobod tumanida ham bir qator bunyodkorlik ishlari amalga oshirildi. O‘zbekiston Respublikasi Prezidentining 2024-yil 24-dekabrdagi PQ-454-sonli qaroriga asosan 2025-yil Investitsiya dasturiga kiritilgan loyihalar doirasida Sherobod tumanining “Gurjak-1” mahallasida joylashgan 5-son maktab kapital rekonstruksiya qilinib, zamonaviy 360 o‘rinli yangi o‘quv binosi qurildi hamda mavjud 520 o‘rinli o‘quv binosi mukammal ta’mirdan chiqarildi.
Loyihani pudratchi tashkilot — “FARRUX ERKIN O‘G‘LI” xususiy korxonasi tomonidan 7 milliard 200 million so‘m mablag‘ o‘zlashtirilgan holda sifatli yakunlab, ta’lim muassasasi foydalanishga topshirildi.
Ushbu yangilangan maktablar yoshlarimizning zamonaviy sharoitlarda ta’lim olishi, bilim va salohiyatini yanada oshirishida muhim qadam bo‘lib xizmat qiladi.
