Termiz davlat muhandislik va agrotexnologiyalar universiteti Innovatsion rivojlanish agentligi tomonidan tashkil etilgan “Akademik harakatchanlik” dasturida ishtirok etdi. Natija esa havas qilarli. 3 ta mavsum davomida universitetning 12 nafar yosh tadqiqotchisi dastur g‘olibi bo‘ldi. 862 million so‘mlik ilmiy loyihalar amalga oshirildi.
Universitet rektori Rasul To‘rayev g‘oliblar bilan uchrashib, ularga sertifikatlar topshirdi va kelgusi faoliyatlarida muvaffaqiyatlar tiladi. Albatta, aytish kerakki, bu yutuqlar universitetdagi ilmiy muhit va yoshlar uchun yaratilgan imkoniyatlarning amaliy natijasidir.
