Jarqo‘rg‘on tumanidagi 20-son madaniyat markazida markaz qoshidagi “Xalq” unvoniga ega Xalq havaskorlik drama teatri hamda “Surxon yosh tomoshabinlar teatri” jamoalari hamkorligida “Yozgi iqtidorlar” respublika festivali bo‘lib o‘tdi.
Tadbir davomida madaniyat markaziga tashrif buyurgan yoshlarga aktyorlik san’ati bo‘yicha mahorat darslari tashkil etildi. Albatta, bunday mahorat darslari yoshlarni e’tiborsiz qoldirmadi. Yo‘llangan barcha savollarga mutaxassislar tomonidan javob qaytarildi.
Asosiysi, badiiy jamoalarning hozirda amalga oshirilayotgan ishlari, ommaga olib chiqayotgan barcha badiiy sahna asarlari, mahorat darslari mazmunli va esda qolarli bo‘ldi.
